شارٹ ویڈیو شیئرنگ ایپلی کیشن پلیٹ فارم ٹک ٹاک نے ملک میں چھوٹے اور درمیانے کاروبار کو وسعت دینے کے لیے کاروباری افراد کی تربیت کا ورکشاپ منعقد کیا، جس میں ملک بھر سے کاروباری افراد شریک ہوئے۔
سندھ کے دارالحکومت کراچی میں منعقد کیے گئے تربیتی ورکشاپ کا مقصد چھوٹے اور درمیانے کاروباری اداروں کو آن لائن خودمختار بنانا اور ان کی رسائی زیادہ سے زیادہ افراد تک پھیلانا تھا۔
کاروباری ورکشاپ میں ملک بھر سے نہ صرف کاروباری افراد بلکہ بعض مواد تخلیق کاروں نے بھی شرکت کی اور شرکا کو نہ صرف کاروبار بڑھانے بلکہ کاروبار کے لیے بہتر مواد تخلیق کرنے کے ٹولز بھی سکھائے گئے۔
ٹک ٹاک کی جانب سے اسی طرح کے ورکشاپس دیگر ممالک میں بھی کیے جاتے ہیں اور ٹک ٹاک نے اس پروگرام کو #GrowWithTikTok کا نام دیا ہے۔
ماسٹر کلاس ورکشاپ میں چھوٹے اور درمیانے درجے کے ایسے کاروباری اداروں کے مالکان، مارکیٹرز اور انٹرپرینیورز کے گروپ کو اکٹھا کیا تھا جو پلیٹ فارم پر اپنے کاروبار کو بڑھانے کے لیے TikTokکی طاقت کو استعمال کرنے کا طریقہ سیکھنے کے خواہشمند تھے۔
