نیوزی لینڈ نے 5 میچز پر مشتمل سیریز کے پہلے ٹی ٹوئنٹی میچ میں پاکستان کے خلاف ٹاس جیت کر بیٹنگ کا فیصلہ کیا۔
راولپنڈی میں کھیلے جارہے میچ میں بارش کے باعث پہلے ٹاس آدھا گھنٹہ تاخیر کا شکار ہوا، تاہم آؤٹ فیلڈ سوکھنے کے بعد نیوزی لینڈ کے کپتان مائیکل بریسویل نے ٹاس جیت کر پہلے بیٹنگ کرنے کا فیصلہ کیا۔
ٹاس کے بعد بارش ایک بار پھر شروع ہوگئی اور کیویز کی بیٹنگ تاخیر کا شکار ہے۔
نیوزی لینڈ کے خلاف میچ میں پاکستان کی جانب سے ابراراحمد ، عرفان نیازی اور عثمان خان آج ٹی ٹوئنٹی ڈیبیو کر رہے ہیں۔
بابراعظم اور صائم ایوب اوپننگ کریں گے، رضوان تیسرے نمبر پرآئیں گے۔ اس کے علاوہ شاداب خان، شاہین آفریدی، نسیم شاہ ، محمدعامر آج کی پلیئنگ الیون میں شامل ہیں۔
واضح رہے کہ راولپنڈی اسٹیڈیم میں پاکستان اور نیوزی لینڈ کے درمیان ٹی ٹوئنٹی سیریز کے ابتدائی 3 میچز ہوں گے جبکہ باقی 2 میچز لاہور میں کھیلے جائیں گے۔
پاکستان اور نیوزی لینڈ کے درمیان سیریز کے میچز جیو سپر سے براہ راست نشر کیے جائیں گے ۔
