برصغیر کی معروف کلاسیکل گلوکارہ ملکہ پکھراج کی برسی (کل )4فروری کو منائی جائے گی ۔ ان کی برسی کے موقع پر فلمی حلقوں میں خصوصی تقریبات کا اہتمام کیا جائے گا۔ ملکہ پکھراج معروف گلوکارہ طاہرہ سیّد کی والدہ تھیں۔ملکہ پکھراج جموں وکشمیر میں پید ا ہوئیں اورقیام پاکستان کے بعد وہ لاہور منتقل ہو گئیں ۔
ملکہ پکھراج کو ٹھمری،غزل،بھجن اور ڈوگری لوک گیتوں پر عبور حاصل تھا ۔ انہوں نے حفیظ جالندھری کا مشہور کلام ’’ ابھی تو میں جوان ہوں ‘‘ گا کر شہرت حاصل کی۔ برصغیر کی عظیم مغنیہ ملکہ پکھراج 4فروری2004کو بانوے سال کی عمر میں انتقال کر گئیں ۔
